Herritarrentzako informazioa, uholdeek eragindako ezbeharren aurrean

Zallako Udalak herritarrei lagundu nahi die, aseguru-konpainiek edo bestelako erakundeek halako ezbeharretarako aurreikusitako ordaindu beharreko konpentsazioak edo laguntzak kobratzen. Hori dela eta, labur eta zehatz idatzi ditugu berehala jarraitu beharreko pausuak.

Nori erreklamatu

Erreklamazioa erakunde batean edo beste batean egin behar da, egoeraren arabera:

a) Uholdeak direnez, etxerako, merkataritza-lokalerako eta abarrerako kalteen poliza kontratatu bat duten guztiek jo behar dute Aseguruen Konpentsazio Partzuergora (AKP).

b) Ondasuna ez badago aseguratuta edo Aseguruen Konpentsazio Partzuergoak ez baditu jasandako kalte guztiak estaltzen, Estatuak aurreikusitako laguntzak jasotzeko eskaera egin dezake, betiere ezarritako betekizunak betetzen baditu eta laguntzen zenbatekoetan ezarritako mugekin.

Nola jardun

a) Ezbeharra Aseguruen Konpentsazio Partzuergoan (AKP) izapidetu behar bada,honako hauek egingo ditugu:

• Eraginkorrena eta azkarrena Aseguruen Konpentsazio Partzuergora (AKP) deitzea da; zehazki, ondoren zerrendatutako edozein telefono erabilita (astelehenetik ostiralera, 09:00etatik 18:00etara):
  - 902 222 665
  - 952 367 042
  - 946 611 800honako datu hauek eman behar dira:- Kontratatutako polizaren zenbakia- Herritarrak duen aseguru-konpainia- Harremanetarako telefono-zenbakia, NAN, etab.- Herritar bakoitzaren bankuko kontu pertsonalaren zenbakia

• Halaber, ezbeharretarako formulario ofiziala bete ahal izango dugu, Partzuergorako, gure aseguru-polizaren ale bikoiztua eta aseguruaren ordainketaren ordainagiria erantsita (hori perituak eskatuko digu, bisita egiten digunean). Aseguruen Konpentsazio Partzuergoak (AKP) ezbeharraren inguruko izapideak egin ahal izateko, dagokion espedientea irekita, aipatutako dokumentazioa bidali beharko dugu, honako hauen bidez:- Posta arrunt ziurtatuaren bidez, arestiko atalean adierazten den helbidera igorrita (albait arinen).- AKPren Bizkaiko bulegora joaz (albait arinen).- Udalean aurkeztuz, albait arinen. Udala arduratuko da hala nahi duen herritar bakoitzaren eskaera AKPra helarazteaz.

• Uholdeak apurtutako edo hondatutako objektu eta eduki guztiak gordeko ditugu, harik eta peritua heltzen den arte. Hondatutako generoa galkorra izanda usteldu egin delako bota egin behar izan badugu, inbentario bat egin, argazkiak atera eta/edo bideoz grabatu, bota aurretik generoa existitzen zela egiaztatzeko. Izan ere, batzuetan, AKPk igortzen duen perituak zenbait egun edo aste behar ditu dagokigun ezbeharra ikusten etorri arte, eta ez badugu egiaztatu, ez du baloratuko eta kalte-ordainen zati bat kenduko digu.

• Informazio gehiago nahi izanez gero, jarri harremanetan AKPrekin:
  - Faxa: 94 661 18 01- E-posta: ccsbilbao@consorseguros.es- AKPren Bizkaiko bulegoa:Helbidea: Heros kalea 3, 48009 BilboTel. zk.: 94 661 18 00- Informazio gehiago: www.consorseguros.es

b. Estatuak aurreikusitako laguntzak izapidetu behar izanez gero:

• Eskaerak (Barne Ministerioak edo Gobernuaren Bizkaiko Ordezkaritzak edo Ordezkaritzaordeak zehaztutako ereduak erabiliz) hilabeteko (1) epean aurkeztu beharko dira, katastrofea amaitzen den egunaren biharamunetik aurrera zenbatzen hasita.

Etxebizitza eta objektuetako kalteak arintzeko laguntzak

• Informazioa: http://goo.gl/1NumWW edo Udaleko HAZn.

Industria-, merkataritza- eta zerbitzu-establezimenduentzako laguntzak

• Informazioa: http://goo.gl/JjAVic edo Udaleko HAZn.

Kalte ordainak eskatzeko eredu ofiziala, Partzuergoaren Bizkaiko ordezkaritzan aurkeztu beharrekoa

Kalte-ordainak eskatzeko eredu ofiziala lortzeko, herritarrak lotura hau lor dezake: http://goo.gl/QDjR5z

Zallako Udalak, eskaera banatzea eta eskaera behar bezala beteta eta dagokion dokumentazioarekin batera aurkeztea eskatzeko, honako hauek egingo ditu:

- Banatu eskaera ofizialaren orria: http://goo.gl/QDjR5z

- Eskaera horiek biltzea eta Partzuergoari ematea.

Eskaera-bilketa eta -ematea Herritarren Arreta Zerbitzuan (HAZ) egingo da.

Garrantzitsua da herritarrek jakitea betetako eskaerak Udalera edo Aseguruen Konpentsazio Partzuergora ahalik eta arinena eramatea onuragarri izango zaiela.

Argibide gisa, adierazi behar da Zallako Udalak, partikularrek uholdeen ondorioz jasandako kalte material eta pertsonalen aurrean, ez duela erantzukizunik izango, gertatutakoa dela-eta erreklama daitezkeen kalte-ordainen aurrean.Nolanahi ere den, Zallako Udala herritarrekin lankidetzan arituko da, informazioa emateko eta Aseguruen Konpentsazio Partzuergoan aurkeztu beharreko eskaerak biltzeko.

Gaztelaniazko testua